چھتیس گڑھ: انکاونٹر میں ایک ماؤنواز ہلاک

چھتیس گڑھ کے بیجاپور میں سیکوریٹی فورسس نے انکاونٹر کے دوران ایک ماؤنواز کو موت کے گھات اتار دیا جبکہ نکسلائٹ کے ساتھ ہوئے تصادم میں دو سیکوریٹی اہلکار زخمی ہوگئے۔

بیجا پور میں آج صبح 10.30 بجے تلنگانہ کی سرحد کے قریب پامڈ پولیس اسٹیشن حدود میں واقع ایک گاؤں کے قریب سیکوریٹی فورسس اور ماؤنوازوں کے درمیان تصادم ہوا جس میں ایک ماؤنواز ہلاک ہوگیا۔

سینئر پولیس عہدیدار نے بتایا کہ ڈسٹرکٹ ریزرو گارڈ، اسپیشل ٹاسک فورس اور سی آر پی ایف کے کمانڈو بٹالین فار ریزولوٹ ایکشن (کوبرا) کے اہلکار تلنگانہ سرحد کے قریب اینٹی نکسل آپریشن میں مصروف تھے کہ مکراج کٹہ پہاڑی علاقہ میں ماؤنوازوں سے تصادم ہوا۔

انکاونٹر میں ایک نکسل ہلاک اور بھاری مقدار میں گولہ بارود برآمد کیا گیا۔ پولیس عہدیدار نے بتایا کہ 204 ویں بٹالین کے کانسٹیبل سندیپ گھوش اور ضلعی پولیس کے کانسٹیبل چندو کڑٹی انکاوٹر میں زخمی ہوگئے۔