ٹریکٹر پلٹنے سے پانچ افراد ہلاک

ریاست چھتیس گڑھ کے ضلع بلاسپور میں ہرری تھانہ علاقہ کے اٹرا گاؤں میں ایک ٹریکٹر کے بے قابو ہوکر پلٹ جانے سے پانچ مزدوروں کے ہلاک ہونے کی خبر ہے۔

پولیس ذرائع کے مطابق کونی علاقے کے چمكاواں سے تعلق رکھنے والے مزدور اتوار کی شام بجلی تار لگانے کے کام کے بعد اٹرا پنچایت بھون واپس آ رہے تھے، اسی دوران ٹریکٹر بے قابو ہو کر پانی سے بھرے گڈھے میں پلٹ گیا۔

حادثے میں ٹریکٹر ڈرائیور اور چار مزدوروں کی موت ہو گئی۔

مرنے والوں کی شناخت ٹریکٹر ڈرائیور اکشے، سورج سہو، راجکمار اور رامائن سہو کے طور پر ہوئی ہے۔

پولیس نے معاملہ درج کر کے کاروائی شروع کر دی ہے ۔