Five of a Family Charred to Death After Car Catches Fire: کار کے پل سے ٹکراکر پلٹنے سے لگی آگ، پانچ کی موت

چھتیس گڑھ میں پیش آئے ایک حادثہ میں پانچ افراد کی موت ہوگئی ہے، بتایاجارہا ہے ایک ہی کنبہ کے پانچ افراد کار میں سوار ہوکر کہیں جارہے تھے، تبھی کار پل سے ٹکراگئی، جس کے نتیجے میں پانچ افراد کی جل کر موت ہوگئی۔ Five Members of a Family Burnt Alive in Car Accident

چھتیس گڑھ کے راج آنند گاؤں ضلع کے ٹھیلکاڈیہہ تھانہ علاقے میں ایک کار کے بے قابو ہوکر پل سے ٹکراکر پلٹنے سے اس میں لگی آگ سے ایک ہی کنبے کے پانچ اراکین کی جل کر موت ہوگئی ہے۔ Five Members of a Family Burnt Alive in Car Accident

پولیس ذرائع کے مطابق ٹھیلکاڈیہہ تھانہ کے تحت آنے والے گرام سنگارپور-گوپال پور کے درمیان ایک کار پل سے ٹکراکر پلٹ گئی اور اس میں آ گ لگ گئی، جس سے کار میں سوار ایک کنبے کے پانچ اراکین کی جل کر موت ہوگئی۔ پولیس نے بتایا کہ کھیراگڑھ کا کوچر کنبہ جس کے مکھیہ سبھاش چندر کوچر (60)اپنی بیوی اور تین بچوں کے ساتھ شادی کی ایک تقریب سے کھیرا گڑھ لوٹ رہے تھے۔ تبھی سنگارپور گوپال پور کے پاس کار پل سے ٹکرا کر پلٹ گئی اور اس میں آگ لگ گئی۔

حادثے میں کار سوار سبھاش چندر کوچر، ان کی بیوی کانتی دیوی اور تین بچے، بھاونا، وردھی اور پوجا کی جائے وقوع پر ہی جل کر موت ہوگئی۔ پولیس نے معاملہ درج کرکے حادثے کی جانچ شروع کردی ہے۔