جذبے کو سلام: گھر میں حاملہ بیوی، پھر بھی کورونا سے لڑنے میں مصروف

کورونا فائٹرز یعنی کورونا جنگجو جو کورونا کے خلاف جنگ لڑ رہے ہیں، ان میں سے کچھ ایسے افراد ہیں جو براہ راست اس کورونا سے لڑ رہے ہیں، پھر کچھ لوگ ایسے بھی ہیں جو مرکزی کردار میں نہیں ہیں۔ لیکن ان کے بغیر یہ جنگ نہیں جیتا جا سکتا اور ایسے جنگجو ہر چیز کو داؤ پر لگا کر جنگ جیتنے کی کوشش کرتے ہیں۔

آج کل بہت سے کورونا جنگجو کووڈ۔-19 جیسے مہلک وائرس کو شکست دینے کے لیے میدان میں لڑ رہے ہیں۔ ان میں ڈاکٹرز، نرس، پیرا میڈیکل اسٹاف، پولیس، صفائی کارکنان اور میڈیا کا ایک اہم کردار ہے۔ لیکن ای ٹی وی بھارت آپ کو ایک ایسے کورونا فائٹر سے ملاقات کرائے گا جس نے اس جنگ کو جیتنے کے لیے سب کچھ داؤ پر لگا دیا ہے۔

یہ کانٹریکٹ ڈیٹا انٹری آپریٹر نریندر کمار گپتا ہیں، جو ریاست چھتس گڑھ کے محکمہ صحت امبکا پور کی وباء کی کنٹرول برانچ میں تعینات ہیں۔ نریندر اپنے ذاتی فرائض کو ایک طرف رکھتے ہوئے اس وباء کا مقابلہ دن رات کر رہے ہیں۔ نریندر صرف اس لیے خاص نہیں ہیں کیوںکہ وہ دن رات اپنا کام کر رہے ہیں۔ بلکہ خاص بات یہ ہے کہ ان کی اہلیہ حاملہ ہیں اور ڈاکٹروں نے اپریل کے پہلے ہفتے میں ہی اس کی ڈیلیوری کی تاریخ دی ہے۔ باوجود اس کے وہ بنا چھٹی کے اپنی ڈیوٹی میں مصروف ہیں۔ افسران اور ساتھیوں نے انہیں چھٹی لینے اور اپنی اہلیہ کے ساتھ رہنے کا مشورہ بھی دیا۔ لیکن نریندر نے انکار کر دیا اور اس خوفناک وباء کے خلاف جاری جنگ میں اپنا فرض ادا کرنا زیادہ اہم سمجھا۔

نریندر فطرت کے لحاظ سے اتنے سیدھے سادے ہیں کہ خود کی تعریف ہوتے دیکھ وہ ای ٹی وی بھارت سے بات نہیں کر پائے۔ لہذا، ہم نے کووڈ-19 ٹیم کے آفیسر ڈاکٹر پرنو سے ہی بات کی۔ ڈاکٹر پرنو نے بار بار نہ صرف نریندر کی ہمت کی تعریف کی، بلکہ انہیں سلام بھی کیا۔

لوگ ایسے حقیقی جنگجوؤں سے واقف ہی نہیں ہو پاتے ہیں، کیونکہ وہ پردے کے پیچھے کام کرتے ہیں۔ نریندر بھی ایک میز پر بیٹھ کر سخت محنت کرتے ہیں۔ یہی وجہ ہے کہ ان کی قربانی دنیا کی نظروں کے سامنے نہیں آپاتی ہے، لیکن ای ٹی وی بھارت ایسے حقیقی جنگجوؤں کو سلام پیش کرتا ہے۔