بی جے پی رام مندر کے نام پر سیاسی روٹیاں سیکتی رہی: بگھیل

چھتیس گڑھ کے وزیراعلی بھوپیش بگھیل نے بی جے پی کو نشانہ بناتے ہوئے کہاکہ سپریم کورٹ کا فیصلہ آنے کے پہلے تک بی جے پی ایودھیا میں رام مندر کے نام پر سیاسی روٹیاں سینکتی رہی ہے۔

بگھیل ملک کے سابق وزیراعظم آنجہانی پنڈت جواہر لال نہرو کے یوم پیدائش پر کانگریس کی طرف سے منعقدہ لیکچر پروگرام میں مہمان خصوصی کے طورپر شامل ہوئے۔

انہوں نے اپنے خطاب میں نہرو جی کے ملک کے لئے خدمات پر روشنی ڈالی، وہیں انہوں نے بی جے پی اور سنگھ کو جم کر نشانہ بنایا۔ انہوں نے کہاکہ اجودھیا معاملہ میں سپریم کورٹ کے فیصلے کا کانگریس نے خیرمقدم کیا ہے۔ انہوں نے کہاکہ بی جے پی نے ہمیشہ ملک کے بھڑکا نے کا کام کیا ہے۔

مسٹر بگھیل نے سنگھ کو بھی نشانہ بناتے ہوئے کہا کہ سنگھ کے لوگ مسولینی اور ہٹلر سے تحریک لیکر ان ہی کا طرح کا لباس پہنتے ہیں اور ڈرم بجاتے ہیں جو بھارتی ثقافت کا حصہ نہیں ہے۔