بھوپیش نے جدید ترین سہولیات سے لیس ایمبولینس کا افتتاح کیا

چھتیس گڑھ کے وزیر اعلی بھوپش بگھیل نے آج اپنی سالگرہ کے موقع پر میونسپل کارپوریشن رائے پور میں جدید ترین طبی سہولیات سے لیس ایمبولینس کا ہری جھنڈی دکھا کر افتتاح کیا۔

بگھیل نے اس موقع پر کہا کہ یہ جدید ترین ایمبولینس ریاست کے عوام کے لئے کورونا بحران کے دور میں کافی اہم ثابت ہوگی۔

یہ گاڑی رائے پور میونسپل کارپوریشن نے پونے میں واقع فورس کمپنی سے خریدی ہے، جس کی قیمت تقریباً 16 لاکھ 25 ہزار روپے ہے۔ یہ ایمبولینس جدید طبی سہولیات سے آراستہ ہے۔

یہ وینٹی لیٹر سہولت والی پہلی مکمل ایئر کنڈیشنڈ ایمبولینس ہے۔ ضرورت کے مطابق ایمبولینس میں خودکار اسٹریچر کو بستر میں بھی تبدیل کیا جاسکتا ہے۔

سائز میں بڑی ہونے کی وجہ سے نازک حالت والے مریضوں کی دیکھ بھال کے لئے ان کے رشتے دار بھی اس ایمبولنس میں آسانی سے آسکتے ہیں۔