بھارت آسٹریلیا چوتھے ٹی ٹوئنٹی میچ پر بجلی بل کا سایہ

رائے پور میں آج بھارت اور آسٹریلیا کے درمیان چوتھا ٹی ٹوئنٹی میچ کھیلا جانا ہے لیکن کروڑوں کے بجلی بل کے بقایاجات کی وجہ سے رائے پور اسٹیڈیم کا بجلی کنکشن کاٹ دیا گیا ہے۔ جس کی وجہ سے انتظامیہ نے اب اسٹیڈیم میں میچ کو شروع کرنے کے لیے جنریٹر سے بجلی سپلائی کرنے کا فیصلہ کیا گیا ہے۔ Raipur stadium electricity bill

رائے پور: ورلڈ کپ 2023 کے بعد ٹیم انڈیا اور آسٹریلیا کے درمیان پانچ میچوں کی ٹی 20 سیریز جاری ہے۔ سیریز کے تین میچ کھیلے جاچکے ہیں۔ جس میں بھارت نے دو اور آسٹریلیا نے ایک میچ جیتا ہے۔ سیریز کا چوتھا میچ رائے پور میں آج شام 7 بجے سے شہید ویر نارائن سنگھ انٹرنیشنل کرکٹ اسٹیڈیم میں کھیلا جائے گا۔ لیکن اس میچ پر بجلی بل کا گرہن منڈلانے لگا ہے۔

اسٹیڈیم میں میچ سے قبل محکمہ بجلی نے بل کی ادائیگی نہ ہونے کی وجہ سے اسٹیڈیم کی بجلی کنکشن کاٹ دیا ہے۔ بتایا جا رہا ہے کہ 3 کروڑ 16 لاکھ روپے کا بجلی کا بل بقایا ہے۔ انتظامیہ نے اسٹیڈیم میں میچ کو شروع کرنے کے لیے جنریٹر سے بجلی سپلائی کرنے کا فیصلہ کیا گیا ہے۔ اسٹیڈیم میں روشنی کے لیے زبردست پاور بیک اپ کی ضرورت ہوتی ہے اور اگر محکمہ بجلی نے رحم نہیں دکھایا تا میچ میں پریشانی کا سامنا کرنا پڑ سکتا ہے۔

محکمہ بجلی نے ای ٹی وی بھارت کو بتایا کہ "ایسا نہیں ہے کہ محکمہ بجلی نے بل کے حوالے سے خاموشی اختیار کر رکھی تھی بلکہ وہ وقتاً فوقتاً نوٹس کے ذریعے مطلع کرتا رہا لیکن ذمہ دار لوگ سوتے رہے, جس کے اثرات آج کے میچ پر پڑ سکتے ہیں۔ محکمہ بجلی کے رائے پور دیہی ڈویژن انچارج، اشوک کھنڈیلوال نے کہا کہ یہ کنکشن 2010 میں محکمہ پی ڈبلیو ڈی میں کرکٹ کنسٹرکشن کمیٹی کے نام پر لیا گیا تھا۔

سال 2018 تک 3 کروڑ 16 لاکھ 12 ہزار 840 روپے بقایاجات تھے جو عرصہ دراز سے ادا نہیں کیے گئے جس کی وجہ سے ان کا کنکشن کاٹ دیا گیا۔ اس کے بعد ہم نے زیر التواء بل کی ادائیگی کے لیے مسلسل ان کو لیٹر لکھتے رہے لیکن یہ رقم ادا نہیں کی گئی۔ بعد میں بتایا گیا کہ یہ رقم محکمہ کھیل اور یوتھ ویلفیئر ادا کرے گی جس کے بعد ہم ان کے ساتھ مسلسل رابطے میں رہے لیکن یہ رقم ادا نہیں کی گئی"

محکمہ بجلی سے موصول ہونے والی معلومات کے مطابق، اگلے بجٹ میں اس زیر التواء بل کی ادائیگی کے لیے انتظام کیا جا سکتا ہے۔ کھنڈیلوال کا کہنا ہے کہ میچ کا انعقاد بخوبی ہوگا اور بجلی کی فراہمی کے لیے خاطر خواہ انتظامات کیے گئے ہیں۔