چھتیس گڑھ: بلاس پور سے ہوائی خدمات کا آغاز یکم مارچ سے

شہری ہوابازی کے مرکزی وزیر ہردیپ سنگھ پوری نے چھتیس گڑھ کے بلاس پور سے یکم مارچ سے طیارہ خدمات شروع کئے جانے کا اعلان کیا ہے۔

ہردیپ سنگھ پوری نے آج بتایا کہ دہلی سے بلاس پور کے لئے طیارہ خدمات یکم مارچ سے شروع ہوں گی۔ اس راستے پر ایئر لائنس کمپنی طیارہ خدمات شروع کریں گی۔ دہلی، بلاس پور، پریاگ راج اور جبلپور راستے پر یہ طیارہ کمپنی خدمات شروع کریں گی۔ ایئر لائنس ایئر انڈیا کی مکمل ملکیت والی ماتحت کمپنی ہے۔

انہوں نے امید ظاہر کی کہ بلاسپور کے ہوائی خدمات سے جڑنے سے بہت بڑے علاقے کے لوگوں کو فائدہ ہوگا۔ انہوں نے کہا کہ کافی دنوں سے بلاس پور سے طیارہ خدمات شروع کرنے کی تیاری چل رہی تھی لیکن وزیر اعلی بھوپیش بگھیل نے دو دن قبل دہلی میں ملاقات کے بعد اس خدمات کو شروع کرنے کا پورا کریڈٹ خود لینے کی کوشش کی۔