ریاست چھتیس گڑھ کے دارالحکومت رائے پور میں یرقان کے مریضوں میں مسلسل اضافہ ہو رہا ہے۔
گذشتہ 24 گھنٹوں کے دوران رائے پور میں یرقان کے 33 مریض پائے گئے ہیں۔ جس کے بعد شہر میں یرقان کے مریض کی تعداد 552 ہوگئی ہے۔ سب سے زیادہ 234 مریض ہیپاٹائٹس ای کے ہیں جبکہ ہیپاٹائٹس کے 59 مریض ہیں۔
ڈاکٹرز کا کہنا ہے کہ شہر میں گندے پانی کی وجہ سے یرقان کے مریضوں میں اضافہ ہورہا ہے۔'
تشویشناک بات یہ ہے کہ لوگ باہر کا کھانا نہیں کھا رہے ہیں۔ اس کے باوجود شہر میں یرقان کے مریض روزانہ بڑھ رہے ہیں۔
جبکہ انتظامیہ یرقان کو پھیلنے سے روکنے میں مسلسل ناکام ہو رہی ہے۔ شہر کے مختلف علاقوں سے لیے گئے پانی کے نمونوں میں ای- کولائی، کلبسیلا اور سوڈوموناس بیکٹیریا مل رہے ہیں۔