اخروٹ کا درخت کاٹنے کی پاداش میں دو افراد گرفتار

جموں و کشمیر پریزرویشن آف سپیسی فائڈ ٹری ایکٹ 1969 کے تحت اخروٹ کے ایک درخت کو نہ کاٹا جاسکتا ہے اور نہ ہی اسے چھلنی کیا جاسکتا ہے۔

وسطی کشمیر کے ضلع بڈگام میں آج بیروہ علاقے کے رٹھسن گاؤں میں پولیس نے دو افراد کو اخروٹ کے درخت کاٹنے کے الزام میں گرفتار کر لیا۔
رٹھسن گاؤں میں آج دن میں دو افراد عبدلمجید میر ولد غلام محی الدین میر اور قیسر احمد خان ولد محمد سلطان خان کو پولیس نے رنگے ہاتھوں اخروٹ کے درخت کاٹتے ہوئے پکڑ لیا۔
پولیس نے کٹی ہوئی اخروٹ کی لکڑی ضبط کر کے دونوں افراد کو گرفتار کر لیا گیا ہے۔

پولیس نے اس ضمن میں ایک کیس درج کر کے تحقیقات کا آغاز کر دیا ہے۔

واضح رہے جموں و کشمیر پریزرویشن آف سپیسی فائڈ ٹری ایکٹ 1969 کے تحت اخروٹ کے ایک درخت کو نہ کاٹا جاسکتا ہے اور نہ ہی اسے چھلنی کیا جاسکتا ہے، چاہے وہ نجی اراضی پر کھڑا کیوں نہ ہو۔ اس کو کاٹنے کے لئے محکمہ مال سے اجازت طلب کرنا لازمی ہے۔