بڈگام:وسطی کشمیر کے ضلع بڈگام کے بدرن ماگام میں ادبی اور ثقافتی انجمن ’’گلشن کلچرل فورم کشمیر‘‘ نے وزارت ثقافت، حکومت ہند کے زیر اہتمام سے تین روزہ ادبی ’’سمن بل فیسٹول‘‘ کا آغاز کیا۔ اس تین روزہ فیسٹیول کی ابتدائی تقریب میں سرکردہ ادیب، مورخ اور شعراء نے شرکت کی۔ کشمیر یونیور سٹی کے شعبہ کشمیری کےسابق سربراہ پروفیسر شفیع شوق، جو مہمان خصوصی بھی تھے، نے رسمی طور اس فیسٹیول کا آغاز کیا۔ Three Day Literary event Held in Budgam
فیسٹول کا آغاز ریوایتی موسیقی سے ہوا جو فورم سے وابستہ فنکاروں نے پیش کی۔ رنجور تلہ گامی کے خطبہ پر کافی بحث و مباحثہ ہوا اور اس حوالہ سے مقررین نے اپنا نقطہ نظر بیان کیا۔ نشست کے دوران گلشن کلچرل فورم کے سالانہ ایوارڈ بھی پیش کیے گئے۔ سال 2021کا ایوارڈ سرکردہ ادیب اور افسانہ نگار پروفیسرگلشن مجید اور 2020کا ایوارڈ معروف شاعر اور ادیب شہناز رشید کو دیا گیا۔ ان اعزازات کو ادبی حلقوں میں کافی سراہنا کی گئی۔ بعد ازاں شاعر فیاض تلہ گامی کا نعتیہ گلدستہ ’’حرف حرف چھ نعت خوان‘‘ کا اجراء بھی کیا گیا۔ Budgam Literary Event
فیسٹیول کی ابتدائی نشست کے بعد محفل افسانہ اور محفل مقالہ منعقد ہوئے۔ طاہر بھگت نے افسانہ پیش کیا جبکہ شمشاد کرالہ واری اور شہباز ہاکباری نے مقالے پیش کئے۔ فیسٹیول کے پہلے روز کی آخری نشست میں اردو اور کشمیری زبان کے تازہ دم شعراء نے اپنی شعری تخلیقات پیش کرکے سامعین سے داد حاصل کی۔ ان شعراء میں ڈاکٹر شبنم اشائی، مقبول شیدا، آصف سافل، حسن درویش، ارشاد ماگامی، مسرور مظفراور توصیف رضا شامل تھے۔ تقریب کے آخر پر فورم کے جنرل سیکریٹری گلشن بدرنی نے مہمانوں کا شکریہ ادا کیا۔
