JKSSB Examination Centres ایس ایس پی بڈگام کا جے کے ایس ایس بی کے امتحانی مراکز کا دورہ

ضلع بڈگام کے ایس ایس پی طاہر سلیم نے جے کے ایس ایس بی کے امتحانی مراکز کا دورہ کیا۔ انہوں نے جے کے ایس ایس بی کے امتحان کو صاف و شفاف اور منصفانہ بنانے کو یقینی بنانے ہر زور دیا۔ SSP Budgam in JKSSB Examination Centres

بڈگام:وسطی کشمیر کے ضلع بڈگام کے ایس ایس پی طاہر سلیم نے یہاں ہونے والے جے کے ایس ایس بی کے امتحان کو شفاف اور منصفانہ انعقاد کو یقینی بنانے کے لیے ضلع کے مختلف امتحانی مراکز کا دورہ کیا جن میں اسپرنگ بڈز ایجوکیشنل انسٹی ٹیوٹ اومپورہ۔ فاسٹر کمپیوٹرز گوری پورہ اور الامین چنار ویلی اسکول ہمہامہ شامل ہیں۔ اپنے دورے کے دوران، ایس ایس پی بڈگام نے امتحانی مراکز پر تعینات جی اے ڈی، ایس ایس آر بی کے افسران، اہلکاروں اور ضلع انتظامیہ سے تعینات مجسٹریٹس اور پولیس افسران سے بات چیت کی تاکہ امتحانات کو آسانی سے چلایا جا سکے۔ SSP Budgam Visited JKSSB Examination Centres

قابل ذکر ہے کہ جے کے ایس ایس بی کے ذریعہ سی بی ٹی پر مبنی سب انسپکٹر کا امتحان 07-12-2022 سے 20-12-2022 تک پوری وادی میں منعقد کیا جارہا ہے اور ضلع پولیس بڈگام کے ضلع بھر میں مختلف مقامات پر 03 امتحانی مراکز ہیں۔ امتحانی مراکز پر کافی پولیس اور سی آر پی ایف کی تعیناتی کی گئی ہے اور ہر مرکز پر خواتین پولیس کی موجودگی کو بھی یقینی بنایا گیا ہے۔