ہلاک سی آر پی ایف اہلکار کو خراج عقیدت

پلوامہ کے بنڈزو علاقے میں منگل کی صبح عسکریت پسندوں کے ساتھ پیش آئے تصادم میں دو عسکریت پسندوں سمیت ایک سی آر پی ایف اہلکار ہلاک ہوئے۔

جنوبی کشمیر کے پلوامہ ضلع کے بنڈزو گاؤں میں منگل کی صبح عسکریت پسندوں اور سیکورٹی فورسز کے مابین ہوئے تصادم میں ہلاک شدہ سی آر پی ایف اہلکار کو خراج عقیدت پیش کیا گیا۔

اس تصادم میں کالے سنیل نامی سی آر پی ایف اہلکار ہلاک ہوئے تھے اور دو عسکریت پسند بھی مارے گئے تھے۔

ضلع بڈگام کے ہمہامہ علاقے کے سی آر پی ایف ٹریکنگ سنٹر پر ہلاک شدہ اہلکار کو خراج عقیدت پیش کیا گیا جس میں پولیس سربراہ دلباغ سنگھ کے علاوہ انسپکٹر جنرل پولیس کشمیر زون وجے کمار اور دیگر سیکورٹی فورسز کے افسران نے شرکت کی۔

انہوں نے کالے سنیل کو خراج عقیدت پیش کرتے ہوئے اسکی جسد خاکی پر گلباری بھی کی۔