یوپی شیعہ وقف بورڈ کے سابق چیئرمین وسیم رضوی کے بیان کی شیعہ علماء نے سخت مذمت کی ہے. علماء نے کہا کہ وسیم رضوی اسلام مخالف عناصر میں سے ایک ہیں. جو تفرقہ پھیلانے کی کوشش کر رہے ہیں۔
جموں و کشمیر انجمن شرعی شیعان شریعت آباد کے صدر آغا سید ہادی نے بھی وسیم رضوی کے بیان کی شدید مذمت کی ہے. آغا سید ہادی نے کہا 'وسیم رضوی ان اسلام مخالفین میں شمار ہیں، جو اسلام میں تفرقہ پھیلانے کی کوشش کر رہے ہیں'۔
وسیم رضوی کے بیان کی مذمت آغا سید ہادی نے کہا کہ وسیم رضوی کے بیان میں کوئی سچائی نہیں ہے اور انہوں نے جو قرآن کے مخالف بیان دیے ہیں ان سے یہ پتہ چلتا ہے کہ وہ مسلمانوں میں تفرقہ پیدا کرنے کی کوشش کر رہے ہیں۔
انہوں نے مسلمانوں سے اپیل کی ہے کہ اسلام کے ان دشمنوں سے با خبر رہیں اور آپسی بھائی چارہ قائم رکھیں۔
یہ بھی پڑھیے
تاقیامت قرآن کا ایک نقطہ بھی تبدیل نہیں کیا جاسکتا: مولانا سجاد نعمانی
وہیں سابق وزیر و شیعہ لیڈر آغا روح اللہ مہدی نے بھی وسیم رضوی کے بیان کی کافی مذمت کرتے ہوئے کہا 'قرآن کی تحریف کے ہم قائل نہیں ہیں اور آیتوں میں نہ کوئی اضافہ کر سکتا ہے اور نہ کوئی کمی کر سکتا ہے'۔
انہوں نے کہا 'وسیم رضوی جیسا شخص جو آر ایس ایس یا دیگر مسلم مخالف تنظیموں کی غلامی کرتا ہے، انکا یہی ایجنڈا ہے کہ مسلمانوں مین تفریق پیدا ہو۔ شیعہ علماء نے پہلے ہی وسیم رضوی کو خارج کیا ہے۔ وسیم رضوی کی حقیقت وہی ہے جو سلمان رشدی کی ہے'۔
