بڈگام:وسطی کشمیر کے ضلع بڈگام میں جاری نیشنل روڈ سیفٹی ویک کے تحت آج اسسٹنٹ ریجنل ٹرانسپورٹ آفس (اے آر ٹی او) بڈگام نے سی ایم او آفس بڈگام کے تعاون سے ڈرائیوروں کے لیے ایک روزہ مفت آنکھوں کی جانچ کامیڈیکل کیمپ انعقاد کیا گیا، اس کیمپ میں سینکڑوں ڈرائیوروں کی آنکھوں کی بینائی کی ڈاکٹروں نے جانچ کی،ڈرائیوروں کو ان کی آنکھوں کی جانچ کے بعد ڈرائیونگ ٹرائل ٹیسٹ بھی کیا گیا۔شیخ منظور احمد (اے آر ٹی او) بڈگام نے تقریب کے انعقاد میں تعاون کرنے پر تمام شرکاء کا شکریہ ادا کیا۔
روڈ سیفٹی ویک کے دوران ڈرائیوروں کیلئے مفت آنکھوں کی جانچ کا میڈیکل کیمپ انہوں نے کہا کہ ہمارے ملک میں سالانہ 1.50 لاکھ افراد روڈ ٹریفک انجری کی وجہ سے مرجاتے ہیں اور کئی افراد مستقل طور پر معذور ہو جاتے ہیں، انہوں نے کہا کہ ملک میں سڑک حادثات سے ہونی والی اموات اور اس سے جسمانی طور پر معذور ہونے والے افراد کی شرح کو کم کرنے کے لئے ہم پر عزم ہے، اسی لئے "نیشنل روڑ سیفٹی ویک" منایا جا رہا ہے۔ تاکہ لوگوں کو ٹریفک قوانین پر عمل کرنے اور ان قوانین کے بارے میں جانکاری فراہم کی جاسکے۔ مزید پڑھیں:Road Safety Week In Gaya سڑک سیفٹی بیداری مہم کے ذریعہ حادثات روکنے کی کوشش
اس روڈ سیفٹی ہفتہ کے حوالے سے کئی سرگرمیاں کی جارہی ہیں، اس ضمن میں ضلع میں ایک کار ریلی بھی نکالی گئی جسے روڈ سیفٹی کمیٹی بڈگام کے چیئرمین ایس ایف حامد جو کہ ضلع کے ڈی سی بھی ہے انہوں نے 11 جنوری کو ڈی سی آفس سے جھنڈی دکھا کر روانہ کیا جو قصبے کے بازاروں سے ہوتے ہوئے نئے بس اسٹینڈ بڈگام میں اختتام پذیر ہوئی۔
