بڈگام: سڑک حادثے میں اسکوٹی سوار زخمی

سڑک حادثے میں ہوئے زخمی نوجوان کے سر پر چوٹ آئی ہے جسے فوری طور پر ضلع اسپتال بڈگام منتقل کیا گیا۔

وسطی کشمیر کے بڈگام ضلع میں سڑک حادثے کے دوران ایک اسکوٹی سوار زخمی ہوگیا۔

حادثہ ضلع کے قاضی باغ علاقے میں اُس وقت پیش آیا جب ایک اسکوٹی اور لوڈ کیریئر کے مابین ٹکر ہوگئی جس میں اسکوٹی سوار ایک مقامی نوجوان زخمی ہوگیا۔

عینی شاہدین کے مطابق نوجوان کے سر پر چوٹ آئی جس کے بعد اسے فوری طور پر ضلع اسپتال بڈگام منتقل کیا گیا۔ حادثے میں اسکوٹی اور لوڈ کیریئر کو بھی کافی نقصان پہنچا ہے۔

زخمی ہوئے نوجوان کی شناخت ٹھوکر پورہ، بڈگام سے تعلق رکھنے والے شاہنواز راتھر کے طور پر ہوئی ہے۔ زخمی نوجوان کی حالت مستحکم بتائی جارہی ہے۔

حادثے کے فوراً بعد پولیس کی ٹیم موقع پر پہنچی اور معاملے کو درج کرلیا۔