بڈگام: جولائی کے دس دنوں میں 103 مثبت معاملے

مرکز کے زیرِ انتظام جموں و کشمیر کے وسطی ضلع بڈگام میں یکم جولائی سے دس جولائی تک 103 پازٹیو کیسز سامنے آئے ہیں۔

تفصیلات کے مطابق بڈگام ضلع میں جولائی کے آغاز سے ہی پازٹیو کیسز میں روز بہ روز اضافہ ہوتا جا رہا ہے. جس وجہ سے ضلع میں دفعہ 144 پھر سے نافذ کیا گیا. اس وجہ سے ضلع کے لوگوں میں تشویش ہے۔

ضلع میں اب تک کووڈ-19 پازٹیو کیسز کی کل تعداد 528 تک پہنچ گئی ہے اور اس وبا کی وجہ سے اب تک ضلع میں 11 اموات بھی واقع ہوئی ہے۔ اِن میں سے 4 افراد کی موت جولائی کے پہلے ہی دس دنوں میں ہوئی ہے. دوسری طرف ضلع میں صحتیاب ہونے کی شرح میں جو بہتری دیکھنے کو مل رہی تھی اُس میں بھی کمی پائی جا رہی ہے۔

ضلع میں اب تک کل 293 پازٹیو افراد کی صحتیابی پر ان کو اسپتال سے ڈسچارج کیا گیا اور ان کو ہوم قرنطینہ میں رکھا گیا ہے۔

وہی ضلع میں 30 مارچ سے اب تک 37 گاؤں کو ریڈ زون قرار دیا گیا ہے۔

بڈگام میں ضلع انتظامیہ کی جانب سے 4 گاڑیاں صرف لوگوں کو کورونا وائرس سے احتیاط برتنے کی ہدایات ان گاڑیوں میں لاوڈ اسپیکرز پر دے رہے ہے۔ یہ دن بھر ضلع میں گھومتی رہتی ہے۔ اس کے علاوہ انتظامیہ اور پولیس کے ساتھ ساتھ ہیلتھ محکمہ بھی 24 گنٹے متحرک رہتے ہے۔