بڈگام میں ریپڈ کورونا ٹیسٹ ڈرائیو کا آغاز

وسطی کشمیر کے ضلع بڈگام کے مین ٹائون میں ریپڈ کورونا ٹیسٹ ڈرائیو کے تحت دکانداروں، راہگیروں اور مختلف دفاتر میں موجود عملہ کا کورونا ٹیسٹ کیا گیا۔

وادی کے دیگر اضلاع کی طرح ضلع بڈگام میں بھی کورونا وائرس کے مثبت معاملات میں لگاتار اضافے کے بعد انتظامیہ کافی محتاط ہو گئی ہے۔ انتظامیہ نے ضلع میں کورونا تشخیص کے لیے بڑے پیمانے پر ٹیسٹ ڈرائیور شروع کر دی ہے۔

محکمہ صحت کی ٹیم نے منگل کو بڈگام بس اسٹاپ پر ریپڈ ٹیسٹ مہم شروع کی ہے جس میں مقامی دکانداروں کا کورونا وائرس ٹیسٹ کیا گیا۔

دکانداروں نے انتظامیہ کی جانب سے اٹھائے گئے اس اقدام کی کافی ستائش کی ہے۔

سی ایم او بڈگام ڈاکٹر تجمل حسین نے بتایا کہ اس سے قبل بھی ٹیسٹنگ کی جا رہی تھی تاہم حالیہ دنوں مثبت معاملات میں اضافے کے بعد ٹیسٹنگ میں مزید اضافہ کیا جا رہا ہے۔

انہوں نے کہا کورونا کی بر وقت تشخیص اور اس موذی مرض کو مزید پھیلنے سے روکنے کے لیے مستقبل میں بھی ٹیسٹنگ جاری رکھی جائے گی۔