بڈگام: پاور ٹرانسمیشن لائن نصب کرنے پر عوام کا مطالبہ

علاقے کے لوگوں کا کہنا تھا کہ ہمیں ٹرانسمیشن لائن نصب کرنے سے کوئی اعتراض نہیں ہے، مگر ہمیں اس کا معاوضہ ملنا چاہیے، انہوں نے کہا کہ 'دوسرے علاقوں میں ٹرانسمیشن لائن لے جانے پر لوگوں کو معاوضہ دیا گیا ہے تو ہمارے ساتھ نا انصافی کیوں ؟

بڈگام کے درد پورہ، رازوین اور دیگر علاقوں کے لوگوں نے علاقے میں پاور ٹرانسمیشن لائن لگانے حر ناراضگی کا اظہار کیا ہے۔ لوگوں نے علاقے میں انتظامیہ کے خلاف احتجاج کرتے ہوئے کہا کہ 'جب ان کی زمین سے پاور لائن گزرے گی تو وہ یہاں نہ تعمیرات کر سکتے ہیں اور نہ ہی زمین سے ان کو کچھ فائدہ ہوگا۔

لوگوں کا کہنا ہے کہ 'انتظامیہ کہ جانب سے انہیں یہ ہدایت ملی ہے کہ ٹرانسمیشن لائن کے ارد گرد کوئی تعمیرات نہیں کی جا سکتی ہے۔ لوگوں نے کہا کہ کئی رہائشی مکانات کے اوپر سے یہ لائن گزرے گی جس کی وجہ سے گھر بھی برباد ہو جاییں گے۔

احتجاجیوں کا کہنا تھا کہ ہمیں لائن سے کوئی اعتراض نہیں ہے، مگر ہمیں اس کا معاوضہ ملنا چاہیے، انہوں نے کہا کہ 'دوسرے علاقوں میں ٹرانسمیشن لائن لے جانے پر لوگوں کو معاوضہ دیا گیا ہے تو ہمارے ساتھ نا انصافی کیوں ؟

لوگوں نے انتظامیہ سے اپیل کیا ہے کہ ان کی جانب توجہ دی جائے اور انصاف کیا جائے، وگر نہ ہم ٹرانسمیشن لائن لگانے نہیں دیں گے۔