بڈگام: آلودگی کے باعث عوام انتظامیہ سے نالاں

لوگوں کے مطابق علاقے میں جو تیندوے گھوم رہے ہیں اس کی ذمہ دار یہاں ڈمپنگ سائٹ ہے۔ ڈمپنگ سائٹ پر کتے ہوتے ہیں اور تیندوے ان کتوں کا شکار کرنے کے لیے آتے ہیں۔

ضلع بڈگام کے مختلف علاقوں کے لوگوں نے میونسپل کونسل بڈگام کے خلاف شکایت کی ہے کہ وہ علاقے کی صاف صفائی اچھے سے نہیں کرا رہے ہیں۔ ضلع کے مامت علاقے میں بنائی گئی ڈمپنگ سائٹ کی خستہ حالی کے حوالے سے بھی لوگ میونسپل کونسل کے خلاف ہیں۔

لوگوں نے کہا ان دنوں علاقے میں جو تیندوے گھوم رہے ہیں اس کی ذمہ دار یہاں ڈمپنگ سائٹ ہے۔ انہوں نے کہا کہ ڈمپنگ سائٹ میں کتے ہوتے ہیں اور تیندوے ان کتوں کے لیے آتے ہیں۔ انہوں نے کہا کہ اگر میونسپل کونسل اس ہٹانے کے لیے اقدامات کرے تو علاقے میں جو تیندووں کی دہشت ہے وہ کم ہو جائے گی۔

اس حوالے سے جب ای ٹی وی بھارت نے میونسپل کونسل بڈگام کے صدر معراج الدین سے بات کی تو انہوں نے کہا کہ نئی ڈمپنگ سائٹ بہت جلد ہی تیار کی جائے گی۔

انہوں نے کہا کہ نئی ڈمپنگ سائٹ کے لیے بیس کنال اراضی کی نشاندہی کی گئی ہے اور بہت جلد اس پر کام شروع کیا جائے گا۔ علاقے کی صاف صفائی کے حوالے سے جب ان سے پوچھا گیا تو انہوں نے کہا کہ میونسپل کونسل کے پاس بہت کم وسائل ہیں، اس کے باوجود وہ علاقے کی صاف صفائی میں کوئی قصر باقی نہیں رکھتے ہیں۔

انہوں نے کہا کہ لوگ بھی زمہداد ہیں۔ انہوں نے کہا کہ اگر لوگ نالوں میں یا سڑک پر اپنی گندگی نہیں پھینکے گے تو علاقہ بالکل صاف ہوگا۔ معراج الدین نے کہا کہ ہم لوگوں کو وقت در وقت بیدار کرتے رہتے ہیں کہ وہ اپنے گھر کی گندگی کو سڑک پر نہ پھینکے۔