طبی مرکز بمنہ میں بنیادی سہولیات کا فقدان

سرینگر کے مضافات بمنہ میں قائم پرائمری ہیلتھ سینٹر میں بنیادی سہولیات کے فقدان سے عوام کو مشکلات کا سامنا کرنا پڑ رہا ہے۔

سرینگر شہر سے محض چند ہی کلومیٹر کی دوری پر واقع بمنہ میں موجود پرائمری ہیلتھ سینٹر میں بنیادی سہولت کا فقدان ہے۔

بمنہ علاقہ کی کثیر آبادی کے لیے قائم کیا گیا پرائمری ہیلتھ سینٹر ایک کرایے کی عمارت میں چل رہا ہے اور طبی مرکز میں ڈاکٹروں اور دیگر طبی سہولیات کی کمی کے باعث لوگوں کو مشکلات کا سامنا کرنا پڑ رہا ہے۔

مقامی لوگوں کے مطابق اسپتال میں ایمبولینس کی بھی سہولت موجود نہیں ہے جسکی وجہ سے ایمرجنسی میں انہیں کافی دشواریوں کا سامنا کرنا پڑتا ہے۔

اسپتال میں موجود ڈاکٹروں کا کہنا ہے کہ طبی مرکز میں لوگوں کو بنیادی سہولت فراہم کی جا رہی ہیں تاہم انہوں نے اعتراف کیا کہ جگہ کی قلت کے سبب انہیں بھی مشکلات کا سامنا کرنا پڑ رہا ہے۔

ای ٹی وی بھارت نے بمنہ ہیلتھ سنٹر کے حوالے سے فون پر ڈائریکٹر ہیلتھ سروسز کشمیر سے رابطہ قائم کیا تو انہوں نے عوامی مشکلات کا جلد ازالہ کرنے کی یقین دہانی کرائی۔