Drug Peddler Arrested in Budgam بڈگام میں ممنوعہ اشیاء کے ساتھ ایک شخص گرفتار

معاشرے سے منشیات کی بدعت کو ختم کرنے کی اپنی کوششوں کو جاری رکھتے ہوئے پولیس نے بڈگام علاقہ میں ایک منشیات فروش کو گرفتار کیا ہے ۔منشیات فروش کے قبضے سے ممنوعہ اشیاء برآمد کیا گیا ہے۔

بڈگام: بڈگام پولیس نیندون پورہ میں معمول کے ناکے کی چیکنگ کر رہی تھی، جس دوران پولیس نے ایک مشکوک شخص کو دیکھا جو ایک نائیلون بیگ لے کر جا رہا تھا۔ مذکوہ شخص نے پولیس پارٹی کو دیکھ کر موقع سے فرار ہونے کی کوشش کی، تاہم پولیس پارٹی نے پیشہ ورانہ طریقے سے مذکورہ شخص کو پکڑ لیا۔

پولیس کے مطابق گرفتار شخص کی شناخت پرگت سنگھ ولد میگ سنگھ ساکن ڈوگری کے طور پر ہوئی ہے اور وہ اس وقت اینٹوں کے بھٹہ میں کام کر رہا ہے۔ تلاشی کے دوران پولیس نے ان کے قبضے سے 6 کلو 300 گرام وزنی پوست کا بھوسا برآمد کیا، جس کے بعد پولیس نے اسے موقع پر ہی گرفتار کیا۔پولیس نے مذکوہ شخص کے خلاف پولیس اسٹیشن بڈگام میں کیس درج کرکے مزید تفتیش شروع کی ہے۔

بتادیں کہ امسال بڈگام میں اینٹوں کے بھٹوں میں کام کرنے والے غیر مقامی مزدور غیرقانونی شراب بنانے اور منشیات کی خرید و فروخت میں ملوث پائے گئے اور انہیں گرفتار کر کے حراست میں لے لیا گیا ہے۔ ضلع بڈگام میں اینٹ کے بھٹوں کی تعداد دو سو سے زائد ہے اور ان بھٹوں میں سیکڑوں کی تعداد میں غیر مقامی مزدور کام کرتے ہے۔ مقامی لوگوں کے مطابق علاقہ میں غیر مقامی مزدوروں کی وجہ سے یہاں کئی جرائم میں اضافہ ہوا ہے۔