بڈگام: وسطی کشمیر کے ضلع بڈگام کے علاقے ہردہ پنزو خانصاحب کے مقامی لوگوں نے ایک احتجاجی مظاہرہ کرتے ہوئے الزام لگایا کہ حکام یہاں پرائمری ہیلتھ سینٹر کی عمارت کو مکمل کرنے میں کوئی دلچسپی نہیں دکھا رہے ہیں۔ مقامی لوگوں کا کہنا ہے کہ ہردہ پنزو میں پی ایچ سی کی عمارت پر کام سنہ 2018 میں شروع کیا گیا تھا لیکن نامعلوم وجوہات کی وجہ سے کام درمیان میں ہی چھوڑ دیا گیا اور آج تک محکمہ صحت کی جانب سے پرائمری ہیلتھ سینٹر کی عمارت کا کام دوبارہ شروع نہیں کیا گیا ہے۔ New PHC Building Left Incomplete, People Suffer in Budgam
وہیں پرائمری ہیلتھ سینٹر کی عمارت کا کام مکمل نہ ہونے سے ناراض مقامی لوگوں نے محکمہ کے خلاف پرامن احتجاج کیا اور انہوں نے مطالبہ کیا کہ جلد از جلد اس کام مکمل کیا جائے تاکہ یہاں کی غریب عوام کو سہولت فراہم ہو۔ایک احتجاجی نے بتایا کہ اگر اس پرائمری ہیلتھ سنٹر کا کام جلد مکمل کرلیا جائے بعد ازاں عوام کے لئے مختص کیا جاتا ہے تو ہزاروں غریب افراد اس شفاء خانہ سے مستفید ہوں گے۔ ستم ظریفی یہ ہے کہ فنڈز مختص کرنے کے باوجود محکمہ صحت مقامی غریب لوگوں کو سہولت دینے میں کوئی دلچسپی نہیں دکھا رہا ہے۔ اس ضمن میں جب نمائندہ ای ٹی وی بھارت نے متعلقہ محکمے کے اعلی عہدیداروں سے رابطہ قائم کیا تو انہوں نے کہا کہ وہ اس معاملے کو دیکھیں گے اور اس معاملے کو اعلیٰ حکام کے ساتھ اٹھائیں گے تاکہ اس کا ازالہ جلد سے جلد ممکن ہو۔ New PHC Building Left Incomplete, People Suffer in Budgam