بڈگام:وسطی کشمیر کے ضلع بڈگام میں نہرو یووا کیندر نے بی ایچ ایس ایس بڈگام کے صحن میں ’’نیبرہڈ یوتھ پارلیمنٹ‘‘ عنوان سے یک روزہ پروگرام کا اہتمام Nehru Yuwa Kendra Organised Awareness Programme in Budgam کیا۔
منتظمین کے مطابق پروگرام کا مقصد نوجوانوں میں قائدانہ صلاحیتوں کو فروغ دینا ہے تاکہ وہ اپنی صلاحیتوں کو بروئے کار لاکر ملک کی تعمیر و ترقی میں اپنا کلیدی کردار ادا کرسکیں۔
پروگرام کے دوران طلبہ کو مختلف شعبہ جات کی جانب سے وضع کی گئی فلاحی اسکیموں کے بارے میں آگاہی فراہم کی گئی۔ اس موقع پر خطاب کرتے ہوئے مقررین نے کہا کہ ’’نوجوانوں کو معاشرے کے مختلف سماجی و اقتصادی مسائل سے آگاہ ہونا چاہیے اور انتظامیہ کو اس بارے میں انہیں آگاہی فراہم کرنی چاہیے تاکہ متعلقہ محکمہ معاشرے کے وسیع تر مفاد کے لیے ایسے مسائل پر بھر پور طریقے سے کام کر سکیں۔‘‘
پروگرام میں ای ڈی ڈی سی بڈگام، اے ڈی ایمپلائمنٹ اور مختلف محکمہ جات سے تعلق رکھنے والے افسران نے خطاب کیا۔ پروگرام میں ڈی ڈی سی بڈگام، اے ڈی ایمپلائمنٹ سمیت ضلع بڈگام کے مختلف محکمہ جات سے تعلق رکھنے والے افسران کے علاقہ طلبہ کی خاصی تعداد نے شرکت کی۔