بڈگام : "مائی ٹاون مائی پرائڈ" پروگرام آج سے شروع

مقامی باشندے علی محمد نے کہا کہ انہیں جو مسائل پیش آرہے تھے وہ سب حل ہوگئے ہیں، وہ بہت خوش ہیں کیونکہ کام جلدی ہو رہا ہے۔

وسطی کشمیر کے ضلع بڈگام میں آج "مائی ٹاون مائی پرائڈ" کے تحت دو روزہ پروگرام شروع ہوا۔ اس پروگرام کا مقصد قصبے کے لوگوں کو منسیپل کونسل باڈی اور پنچایت کمیٹی کے بارے میں جانکاری فراہم کرنا اور اور ان کو ایک دوسرے کے نزدیک لانا ہے۔

پروگرام میں سیکریٹری پنچایت الیکشن شیتل نندا مہمانِ خصوصی رہی. اس دوران تحصیل بڈگام سے تعلق رکھنے والے لوگوں کی شکایات کو براہ راست تمام محکموں کے افسران نے از خود نوٹ کیا اور لوگوں کے مسائل کو حل کرنے کا یقین دلایا۔

ای ٹی وی بھارت سے بات کرتے ہوئے شیتل نندا نے بتایا 'اس پروگرام کو ہاوزنگ اور اربن ڈیولپمنٹ نے کروایا ہے جس کے اندر میونسپل کمیٹی، میونسپل کونسلر اور میونسپل کارپوریشن کے علاوہ جو بھی باڈی قیام میں آئی ہے ان کا اور لوگوں کو آپس میں ساتھ لانے کا یہ پروگرام ہے۔ ہم بھی بیٹھیں گے اور افسران بھی ہونگے اور سب مل کر لوگوں کی مشکلات کو سنیں گے اور افسران ان کے سوالات کے جوابات دیں گے اور کسی نتیجہ خیز مرحلے تک پہنچنے کی کوشش کریں گے'۔

اس موقع ایک مقامی باشندے علی محمد نے کہا 'مجھے جو مسائل پیش آرہے تھے وہ سب حل ہوگئے ہیں، میں بہت خوش ہوں کیونکہ کام جلدی ہو رہا ہے'۔

یہ پروگرام کل بھی قصبوں میں جاری رہے گا اور سارے افسران اسی طرح کل بھی یہاں پر موجود رہیں گے اور لوگوں کی شکایات سنیں گے۔