ایس ایس پی بڈگام کا مذہبی رہنماؤں کے ساتھ اجلاس

میٹنگ میں ائمہ مساجد اور مذہبی رہنماؤں کو کووڈ 19 کی دوسری لہر کے بارے میں آگاہ کیا گیا اور ان سے اپیل کی گئی کہ وہ اس وبائی بیماری کو روکنے میں اپنا کردار ادا کریں۔

وسطی کشمیر کے ضلع بڈگام میں آج ایس ایس پی بڈگام نے ضلع کے ائمہ مساجد اور مذہبی رہنماؤں کے ساتھ ایک میٹنگ کی جس میں مساجد اور دیگر مذہبی مقامات پر کورونا وائرس کی روک تھام کے لئے جانکاری دی گئی۔

میٹنگ میں ائمہ مساجد اور مذہبی رہنماؤں کو کووڈ 19 کی دوسری لہر کے بارے میں آگاہ کیا گیا اور ان سے اپیل کی گئی کہ وہ اس وبائی بیماری کو روکنے میں اپنا کردار ادا کریں۔ ان سے کہا گیا کہ جو مساجد و دیگر مذہبی مقامات پر لوگ نماز پڑھنے آتے ہیں ان کو کووڈ 19 کے ایس او پیز پر عمل کرنے کی ہدایات دے اور سماجی دوری کا خاص خیال رکھیں اور ماسک ضرور پہنے۔

ان سے مزید کہا گیا کہ وہ اپنے تقاریر کے اندر لوگوں کو کووڈ 19 ایس او پیز پر عمل کرنے اور ماسک پہنے کے ساتھ ساتھ پینتالیس برس سے زائد عمر والے افراد کو ویکسین کا مفت ٹیکہ کرانے کی تلقین کریں۔

‏اس موقع پر ایس ایس پی بڈگام نے ائمہ مساجد اور مذہبی رہنماؤں سے اپیل کی کہ وہ لوگوں کو اس کورونا وائرس وبا کے بارے میں آگاہی پھیلائے اور ایس او پیز پر عمل کرنے کی ہدایات دے اور ساتھ ہی پینتالیس برس سے زائد عمر والے افراد کو ویکسین کا مفت ٹیکہ لگانے کی تلقین کرے۔