بڈگام: نرسری کو بہتر کرنے کے لیے اجلاس

میٹنگ میں اس بات کا ذکر کیا گیا کہ نرسری کی شاخیں تراشی جائیں اور اس حوالے سے ہائر اتھارٹی کو پروپوزل بھیجا جائے گا۔

بڈگام میں ہاؤسنگ کالونی اومپورہ اور خانپورہ کے درمیان میں جو نرسری ہے اس کے حوالے سے آج ضلع ترقیاتی کمشنر بڈگام شہباز احمد مرزا نے اجلاس طلب کیا۔ اجلاس میں ڈویژنل فارسٹ افسر، وائلڈ لائف وارڈن اور ایس ایس پی بڈگام نے شرکت کی۔

میٹنگ میں یہ طے پایا گیا کہ جو نرسری میں گرے ہوئے درختوں کو بہت جلد وہاں سے نکالا جائے۔ اس حوالے سے محکمہ فارسٹ ایکولوجی کے کمشنر سکریٹری نے یقین دلایا کہ دو دنوں کے اندر اس حوالے سے آرڈر جاری کیا جائے گا۔

میٹنگ میں یہ بھی فیصلہ لیا گیا ہے کہ ڈی ایف او اور پی پی ڈویژن بڈگام بہت جلد نرسری کی فینسنگ کو ٹھیک کرنے اور دیگر ضروری اقدامات کے لیے ڈی پی آر داخل کریں گے اور ہائر انتظامیہ سے فنڈس طلب کریں گے۔

میٹنگ میں اس بات کا بھی ذکر کیا گیا کہ نرسری کی شاخ تراشی کی جائے اور اس حوالے سے ہائر اتھارٹی کو پروپوزل بھیجا جائے گا۔

اس کے علاوہ وائلڈ لایف وارڈن بڈگام اپنی ٹیم کو علاقے میں بہتر مشینری کے ساتھ تعینات کرے گی تاکہ وہ تیندؤں کو تلاش کریں گے۔ میٹنگ میں یہ بھی طے پایا گیا کہ محکمہ جنگلات اپنا اسٹاف علاقے کی نگرانی کے لیے تعینات کرے گا تاکہ وہ مقامی باشندوں کو خبردار کرے۔ ڈی سی نے متعلقہ افسران سے کہا کہ جو بھی سستی دکھائے گا اس کے خلاف کاروائی ہوگی۔

اس کے علاوہ وائلڈ لائف وارڈن کی جانب سے متاثرہ خاندان کو معاوضہ دیا جائے گا۔