Pipeline Leakage in Bemina: واٹرسپلائی پائپ لائن میں لیکیج، رہائشی پریشان

بمنہ کے علاقے میں واٹرسپلائی کے پائپ لائن میں لیکیج Pipeline Leakage in Bemina ہونے کی وجہ سے مقامی لوگوں کو پینے کے لیے صاف پانی میسر نہیں ہے۔ اس کے علاوہ بمنہ کے مختلف علاقوں میں پانی بھی جمع ہوگیا ہے جس کی وجہ سے لوگوں کو آمد ورفت میں کافی مشکلات کا سامنا کرنا پڑرہا ہے۔

بڈگام:جموں و کشمیر کے ضلع بڈگام کے بمنہ علاقےمیں ماسٹر پلان کے تحت زیر تعمیر واٹر پائپ لائن خراب Pipeline Leakage in Bemina ہونے کی وجہ سے مقامی لوگوں کو کافی زیادہ پریشانی کا سامنا کرنا پڑرہا ہے۔ مقامی لوگوں محکمہ جل شکتی سے مطالبہ کر رہے ہیں خراب پائپ لائن کو جلد از جلد صحیح کیا جائے تاکہ لوگوں کو پریشانیوں سے نجات مل سکے۔

مقامی لوگوں نے محکمہ جل شکتی پر لاپرواہی کا الزام عائد کرتے ہوئے کہا کہ واٹر پائپ لائن کو خراب ہوئے تین دن ہوگئے ہیں جس کی وجہ سے بمنہ کے کئی علاقوں میں پانی جمع ہوگیا ہے یہاں تک کہ پانی گھروں میں بھی پہنچ رہا ہے۔ مقامی لوگوں کا مزید کہنا ہے کہ اس کے علاوہ کوئی دوسری پائپ لائن بھی نہیں ہے جس سے صاف پانی میسر ہوسکے اس وجہ سے تین دن سے لوگ پینے کے لیے صاف پانی کے لیے کافی مشقت کرنا پڑرہا ہے۔

مقامی لوگوں نے کہا کہ بمنہ سری نگر ڈرینج پروجیکٹ کے تحت تقریبا ایک برس سے کام جاری ہے لیکن ابھی تک مکمل نہیں ہوسکا، انتظامیہ کی لاپرواہی کی وجہ سے مذکورہ پروجیکٹ پر کام سست رفتاری سے جاری ہے۔ لوگوں نے ایل جی سے اپیل کی کہ وہ اس معاملے کو نوٹس میں لیں اور اس منصوبے کو بروقت مکمل کرنے کی ہدایت دیں تاکہ علاقے کے لوگوں کو مزید پریشانی کا سامنا نہ کرنا پڑے۔