Protest Against Kashmiri Pandit’s Killing: راہل بٹ کے قتل کے خلاف کشمیری پنڈتوں کا احتجاج

کشمیری پنڈت راہل بٹ کی ہلاکت Kashmiri Pandit Killed in Militant Attack کے خلاف وسطی کشمیر کے ضلع گاندربل سمیت وادی کے دیگر اضلاع میں بھی کشمیری پنڈتوں نے احتجاج کیا۔

بڈگام:ضلع بڈگام کے چاڈورہ علاقے میں مشتبہ عسکریت پسندوں کی جانب سے راہل بٹ نام کے ایک کشمیری پنڈت کے قتل کے خلاف شیخ پورہ، بڈگام میں کشمیری پنڈتوں نے احتجاج کیا۔ سرینگر - بڈگام سڑک پر احتجاج کرتے ہوئے احتجاج کر رہے مرد و زن نے راہل بٹ پر حملے کی شدید مذمت کی۔ احتجاجیوں نے انتظامیہ کے خلاف بھی نعرے بازی کی۔ Protest Against Kashmiri Pandit’s Killing

واضح رہے کہ ضلع بڈگام کی تحصیل آفس میں کام کر رہے ایک کشمیری پنڈت، راہل بٹ، پر جمعرات کی دوپہر مشتبہ عسکریت پسندوں نے حملہ کیا جس سے وہ شدید زخمی ہو گئے۔ زخمی کشمیری پنڈت کو فوری طور نزدیکی اسپتال پہنچایا گیا جہاں ابتدائی طبی امداد کے بعد انہیں سرینگر کے ایس ایم ایچ ایس اسپتال ریفر کر دیا گیا جہاں وہ زخموں کی تاب نہ لاکر فوت ہو گئے۔ Kashmiri Pandits Protest Against Rahul Bhat’s Killing

مشتبہ عسکریت پسندوں کے حملہ میں راہل بٹ کی ہلاکت کی خبر موصول ہوتے ہی پنڈت کالونی، بڈگام میں کشمیری پنڈتوں نے احتجاج کیا۔ راہل بٹ کی ہلاکت کے خلاف وادی کشمیر کے دیگر اضلاع میں بھی کشمیری پنڈتوں کی جانب سے احتجاج کی خبریں موصول ہو رہی ہیں۔ Kashmiri Pandit Rahul Bhat Killed