بڈگام:وقف بورڈ نے بدھ کے روز ایک حکم نامہ جاری کیا تھا جس میں بتایا گیا کہ وقف بورڈ کو کچھ لوگوں کے خلاف بڑی تعداد میں شکایتیں موصول ہور ہی ہیں جو زیارتوں، درگاہیوں میں زبردستی اور استحصالی طریقوں سے چندہ وصول کر رہے ہیں۔ان ہی شکایتوں کے بعد وقف بورڈ نے زیارت گاہوں اور آستانوں پر جبری اور استحصالی طریقوں سے عطیات اور چندے وصولنے والوں کے خلاف کارروائی عمل میں لائی ہے۔وقف بورڈ نے آستانوں پر تعینات عملے کو واضح ہدایت جاری کی ہے کہ جو کوئی بھی خلاف ورزی کرنے کا مرتکب قرار پائے گا اُس کے خلاف نزدیکی پولیس اسٹیشن میں ایف آئی آر درج کیا جائے گا۔Collection Window Removed from Charar-i-Sharief
وہیں جموں وکشمیر وقف بورڈ کی چیئرپرسن ڈاکٹر درخشاں انداربی نے کہا کہ جو خودساختہ متولی درگاہیوں اور آستانون میں لوگوں سے عطیات اور چندہ وصول لیتے ہے انہیں ان درگاہوں سے نکال دیا جائے گا۔ موصوفہ نے آج چرار شریف بڈگام میں صوفی بزرگ شیخ نور الدین نورانیؒ کی درگاہ کا دورہ کیا اور وہاں حاضری بھی دی۔اس دوران انہوں نے خانقاہ فیض پناہ کا بھی جائزہ لیا۔ اس خانقاہ کی سلیب پر وائبریشن پیدا ہونے کے بعد یہ کافی وقت تک نمازیوں کے لئے بند کر دیا گیا تھا ۔انتظامیہ نے بعد میں اس کا جائزہ لینے کے بعد پہلی منزل پر نمازیوں کو نماز ادا کرنے کی اجازت دی گئی۔jk waqf board Chairperson on illegal Collection Window
درخشان اندرابی نے کہا کہ کافی شکایتیں موصول ہوئی تھیں کہ درگاہوں پر بیت سارے گھپلیں ہو رہے ہیں جس کے بعد وقف بورڈ نے یہ فیصلہ لیا ہے۔ انہوں نے کہا اس فیصلے کے بعد ان تمام افراد کو درگاہوں سے نکال دیا جائے گا جو درگاہوں میں قاہم کی گئی جگہوں سے لوگوں سے رقم وصول لیتے ہیں۔ انہوں نے کہا کہ وقف بورڈ پر عزم ہے کہ جہاں پر بھی خانقاہیں اور درگاہیں ہیں انہیں خوبصورت بنایا جائے گا اور کسی بھی طرح کی کوئی کوتاہی کو برداشت نہیں کیا جائے گا۔