بڈگام: محکمہ باغبانی کی جانب سے سپرے شیڈول جاری

ضلع بڈگام میں وقت پر سیب کے باغات میں جراثیم کش ادویات کا چھڑکاؤ کیے جانے سے متعلق محکمہ باغبانی نے سپرے شیڈول جاری کر دیا ہے۔

ڈائریکٹر ہارٹی کلچر کی ہدایت پر چیف ہاٹی کلچر آفیسر بڈگام نے ضلع بھر میں سپرے شیڈول جاری کرتے ہوئے باغ مالکان سے شیڈول کے مطابق باغات میں جراثیم کش ادویات اور کھادوں کا اسپرے کرنے کی تلقین کی ہے۔

محکمہ ہارٹی کلچر کے افسران نے بتایا کہ اس ضمن میں ضلع بڈگام میں باغ مالکان خصوصا سیب کی کاشت سے وابستہ کسانوں کو محکمہ کے ملازمین گھر گھر جا کر سپرے کے بارے میں جانکاری فراہم کرنے کے علاوہ انہیں تربیت بھی فراہم کر رہے ہیں۔

انہوں نے کہا کہ سیب کی کاشت سے وابستہ باغ مالکان اور کسانوں کو جدیدسائنسی تکنیک سے باغبانی خصوصا ادویات کا چھڑکاؤ کیے جانے سے متعلق محکمہ کی جانب سے کوششیں کی جارہی ہیں تاکہ ’’کسانوں کی پیداوار میں اضافہ ممکن ہو سکے۔‘‘