بڈگام: وانگواس میں بھیانک آتشزدگی، نصف درجن مکانات خاکستر

وسطی کشمیر کے ضلع بڈگام کے ونگواس علاقے میں بھیانک آتشزدگی کے دوران تقریباً نصف درجن مکانات خاکستر ہو گئے۔

ضلع بڈگام کے دور اُفتادہ علاقہ وانگواس میں بدھ اور جمعرات کی درمیانی شب ایک رہائشی مکان سے اچانک آگ نمودار ہوئی جس نے آناً فاناً دیگر پانچ مکانات کو اپنی زد میں لے لیا۔

مقامی باشندوں کے مطابق آگ اس قدر بھیانک تھی کہ دیکھتے ہی دیکھتے ہی چھ مکان اس کی زد میں آگئے۔ انہوں نے الزام عائد کرتے ہوئے کہا کہ فائر اینڈ ایمرجنسی عملہ کے پہنچنے میں دیری کی وجہ سے آگ نے بھیانک تباہی مچائی۔

اس بھیانک آتشزدگی کے دوران نصف درجن کے قریب رہائشی مکانات خاکستر ہو گئے جبکہ ان میں موجود لاکھوں روپے کا مال و اسباب بھی راکھ کے ڈھیر میں تبدیل ہو گئے۔ تاہم اس واقعہ میں کسی جانی نقصان کی کوئی اطلاع نہیں ہے۔

مقامی باشندوں نے انتظامیہ سے متاثرہ افراد کی بازآبادکاری اور امداد کی اپیل کی ہے۔