بڈگام: گولی لگنے سے عام شہری زخمی

سکیورٹی فورسز نے دومیل نارہ بل کے گرد و نواح کا محاصرہ کیا۔ تلاشی کارروائی عمل میں لائی گئی اور نزدیکی مکانوں میں تلاشی بھی لی گئی۔

وسطی کشمیر کے ضلع بڈگام میں کچھ دیر پہلے دومیل ناربل میں گولیوں کی آواز سنی گئی جس میں ایک عام شہری کے زخمی ہونے کی خبر ہے۔

سکیورٹی فورسز نے دومیل نارہ بل کے گرد و نواح کا محاصرہ کیا تھا اور تلاشی کارروائی عمل میں لائی تھی تاہم خبر لکھے جانے تک تلاشی کاروائی مکمل ہوگئی۔

پولیس کے مطابق یہاں پر ایک مس فائر ہوا ہے جس کے نتیجے میں بھگدڑ مچ گئی اور ایک عام شہری اس میں زخمی ہوا۔

اطلاعات کے مطابق زخمی شخص کی شناخت 25 سالہ شوکت احمد بھٹ کی طور پر ہوئی ہے۔ جو گوری پورہ سوزیتھ علاقے کا رہنے والا ہے اور وہ دومیل میں مکئی فروخت کرتا ہے۔ اس کے چہرے پر گولی لگی ہے۔ جسے علاج کے لیے قریبی ہسپتال میں داخل کرایا گیا ہے۔