بڈگام:وسطی کشمیر کے ضلع بڈگام کے علاقے چاڈورہ گوپال پورہ میں مشتبہ عسکریت پسندوں نے گرینیڈ حملہ کیا۔ اس حملے میں ایک شخص کے زخمی ہونے کی اطلاع ہے۔ اس کے علاوہ مشتبہ عسکریت پسندوں نے پولیس کنٹرول روم سرینگر کے باہر بھی آج دیر شام گرینیڈ پھینکا۔اس حملے میں ایک پولیس اہلکار کے معمولی طور پر زخمی ہوا ہے۔Grenade Attack in Budgam & Srinagar
تفصیلات کے مطابق عسکریت پسندوں نے گوپال پورہ بڈگام میں اقلیتی برادری کے گھر پر گرینیڈ پھینکا۔ اس حملے میں 20 سالہ کرن کمار سنگھ ولد انیل کمار ساکن گوپال پورہ زخمی ہوا ہے۔زخمی شخص کو سرینگر کے ایس ایم ایچ ایس لے جایا گیا جہاں ان کی حالت مستحکم بتائی جاتی ہے۔دریں اثناء پولیس نے اس سلسلے میں مقدمہ درج کر کے مزید تفتیش شروع کر دی گئی ہے، وہیں حملہ آوروں کو پکڑنے کے لیے پورے علاقے کو محاصرے میں لیا۔
وہیں دوسرا گرینیڈ حملہ آج تقربیاً ساڑے نو بجے سرینگر کے پولیس کنٹرول روم کے پاس رونما ہوا۔ایک سینیئر پولیس آفیسر کا کہنا ہے کہ نامعلوم عسکریت پسندوں نے تقریباً 9:30 بجے پی سی آر کشمیر کے باہر گرینیڈ پھینکا۔ اس حملے میں ایک اہلکار کو معمولی چوٹیں آئیں ہے۔"اُن کا مزید کہنا تھا کہ"علاقے کو محاصرے میں لے لیا گیا ہے اور حملہ آوروں کی تلاش شروع کر دی گئی ہے۔
