چاڈورہ: امتحان میں فیل ہونے پر خودکشی کی کوشش

چاڈورہ کے بزگو کی ایک طالبہ نے زہر کھا کر اپنی زندگی اس لیے ختم کرنے کی کوشش کی کیوںکہ وہ امتحان میں ناکام ہو گئی تھی۔

دسویں جماعت کے امتحان میں ناکام ہونے کے بعد چاڈورہ بڈگام کی ایک طالبہ نے خودکشی کرنے کی کوشش کی۔

بتایا جا رہا ہے کہ چاڈورہ کے بزگو کی اس طالبہ نے زہر کھا کر اپنی زندگی ختم کرنے کی کوشش کی۔ طالبہ نے جب زہر کھایا تو اہل خانہ نے اسے فوری طور پر سب ضلع ہسپتال چاڈورہ میں داخل کیا جہاں سے ڈاکٹروں نے اسے ایس ایم ایچ ایس ہسپتال سرینگر منتقل کیا۔

ہسپتال ذرائع کے مطابق لڑکی کا علاج چل رہا ہے اور اباس کی حالت مستحکم ہے۔

واضح رہے کہ دسویں جماعت کے امتحانات میں اٹھارہ ہزار سے زائد بچے ناکام ہوئے ہیں۔ اس سال دسویں جماعت کے امتحان میں پچہتر ہزار ایک سو بتیس طلباء نے شرکت کی تھی۔

کئی طلباء و طالبات نے سو فیصد مارکس حاصل کئے لیکن کئی ایسے بھی ہیں جو ناکام ہو گئے ہیں۔