بڈگام کے خانصاحب علاقے میں محاصرہ اور تلاشی کاروائی

جموں و کشمیر میں ضلع بڈگام کے خانصاحب علاقے کے یاری کھاہ کے وانی محلہ اور لالہ محلہ کا سیکیورٹی فورسز نے محاصرہ کیا اور بعد میں تلاشی کاروائی عمل میں لائی جو ابھی بھی جاری ہے.

سیکیورٹی فورسز نے یارِ کھاہ کے وانی محلہ اور لالہ محلے کا محاصرہ کیا جس کے بعد گھر گھر تلاشی عمل میں لائی اور ساتھ ہی ان دونوں محلوں کے تمام داخلی ؤ خارجی راستوں کو بند کر دیا ہے تاکہ کوئی بھی شخص محاصرے سے باہر نہ جا سکے اور راہگیروں سے بھی پوچھ گچھ کی جا رہی ہے.



سیکیورٹی فورسز کو ایک اطلاع ملی تھی کہ یہاں پر عسکریت پسند چھپے ہوئے ہیں جس کے بنا پر فورسز نے یہ کارروائی عمل میں لائی. اس کاروائی میں سیکیورٹی فورسز کی 53 آر آر، ایس او جی، سی آر پی ایف اور بڈگام پولیس کی مشترکہ ٹیم ایک ساتھ کارروائی کر رہے ہیں.


آخری خبر ملنے تک سیکیورٹی فورسز کی جانب سے کاروائی جاری تھی اور علاقے میں فوج کی ایک بڑی نفری کو تعینات کیا گیا ہے اور آخری اطلاع ملنے تک تلاشی کاروائی جاری تھی اور مزید معلومات کا انتظار ہے.