بڈگام میں سرچ آپریشن شروع

فورسز نے گاؤں کے تمام داخلی و خارجی راستوں کو بند کر دیا ہے تاکہ کوئی بھی شخص محاصرے سے باہر نہ جا سکے اور راہگیروں سے بھی پوچھ گچھ کی جا رہی ہے.

جموں و کشمیر کے ضلع بڈگام کے گاؤں ورہ ہامہ ( بیروہ) میں سکیورٹی فورسز نے تلاشی مہم شروع کی ہے۔ علاقے کو پوری طریقے سے محاصرے میں لے لیا گیا ہے اور تلاشی کارروائی جاری ہے۔

فورسز نے گاؤں کے تمام داخلی و خارجی راستوں کو بند کر دیا ہے تاکہ کوئی بھی شخص محاصرے سے باہر نہ جا سکے اور راہگیروں سے بھی پوچھ گچھ کی جا رہی ہے۔

سیکیورٹی فورسز کو اطلاع ملی تھی کہ گاؤں میں عسکریت پسند چھپے ہوئے ہیں جس کے بعد فوج کی 53 آر آر بٹالیئن، ایس او جی ماگام، سی آر پی ایف اور بڈگام پولیس کی مشترکہ ٹیم نے سرچ آپریشن شروع کیا ہے۔

خبر لکھے جانے تک تلاشی کارروائی جاری ہے اور کسی بھی جانی و مالی نقصان کی خبر موصول نہیں ہوئی ہے۔

اس خبر پر مزید تفصیلات کا انتطار ہے