ضلع ترقیافی کمشنر بڈگام نے آج سب ڈویژن چاڈورہ کا دورہ کیا۔ شہباز احمد مرزا نے سب ضلع ہیدکوارٹر پر بلاک دیوس مہم کے تحت ایک عوامی اجلاس کا انعقاد کیا۔
اس دوران ضلع ترقیاتی کمشنر نے کہا کہ ایسے پروگراموں کو اس لیے منعقد کیا جا رہا ہے تاکہ لوگوں کے در پیش مسائل کا موقع پر ازالہ ہو سکے۔
انہوں نے کہا کہ اب تک منعقد کیے گئے پبلک آؤٹ ریچ پروگرام کافی کارگر ثابت ہوئے ہیں۔ پروگرام کے دوران انہوں نے افسران کو ہدایت کی کہ لوگوں کے مسائل کو درج کیا جائے اور فوری طور پر کاروائی کرکے لوگوں کو فائدہ پہنچایا جائے۔
دورے کے دوران شہباز مرزا نے سرسیار کے پرائمری ہیلتھ سینٹر کا بھی دورہ کیا اور وہاں لوگوں کو مل رہی سہولت کا جائزہ لیا۔
اس دوران ایس ڈی ایم چاڈورہ، ایس ڈی پی او چاڈورہ، سی ای او بڈگام، سی ایم او بڈگام، تحصیلدار چادورہ او بی کے پورہ کے علاوہ کئی اعلی عہدیدار موجود رہے۔
