بڈگام میں کورونا کی صورتحال پر ڈپٹی کمشنر کی پریس کانفرنس

ڈی سی نے کہا کہ اس وقت ضلع کے 51 مریض کووڈ سینٹروں میں داخل ہیں۔ تاہم ضلع میں ہائی فلو آکسیجن بیڈ کیپیسٹی کی کوئی کمی نہیں ہیں۔

ضلع بڈگام میں یکم اپریل سے سات ہزار سے زائد افراد میں کورونا وائرس کی تصدیق ہوئی ہے جس میں سے تین ہزار سے زائد افراد صحت یاب ہوئے ہیں۔ بڈگام میں بیالیس اعشاریہ نو چار فیصد ریکووری ریٹ ہے اور شرح اموات 0.32 فیصد ہے۔ اسکی جانکاری ضلع ترقیاتی کمشنر بڈگام شہباز احمد مرزا نے دی ہے۔

انہوں نے پریس کانفرنس کے دوران جانکاری دیتے ہوئے کہا کہ یکم اپریل سے بڈگام میں مثبت کیسوں کی تعداد میں بہت اضافہ ہوا تھا لیکن لاک ڈاؤن کی وجہ سے مثبت کیسز میں کمی آئی دیکھنے کع ملی ہے۔ انہوں نے کہا کہ اب لوگ بھی احتیاط برت رہے ہیں اور بیشتر لوگ ماسک اور ایس او پیز کا احترام کر رہے ہیں۔

مرزا نے یہ بھی کہا کہ مائکرو کنٹینمنٹ زون میں ہم نے لائحہ عمل ترتیب دیا ہے۔ اور کنٹینمنٹ رونز میں ماس سیمپلنگ کے ساتھ ساتھ ٹیسٹنگ بھی کی جاتی ہے جسکی وجہ سے کووڈ کے خلاف جنگ میں مدد مل رہی ہے۔

اپریل سے آج تک ضلع میں 74 ہزار سے زائد ٹیسٹ ہوئے ہیں جس میں آر ٹی پی سی آر اور آر اے ٹی شامل ہیں۔

ڈی سی نے کہا کہ اس وقت ضلع کے 51 مریض کووڈ سینٹروں میں داخل ہیں۔ تاہم ضلع میں ہائی فلو آکسیجن بیڈ کیپیسٹی کی کوئی کمی نہیں ہیں۔

ڈی سی نے کہا کہ ضلع کے لئے چار سو سے زائد بیڈ تیار کئے ہوئے ہیں جن میں دو دس ایسے بیڈ ہیں جن میں ہائی فلو آکسیجن کی سہولت ہے اور آنے والے دنوں میں اس میں مزید اضافہ کیا جائے گا۔

انہوں نے لوگوں سے اپیل کی ہے کہ احتیاطی تدابیر پر عمل کرتے رہے تاکہ کورونا کی اس جنگ میں کامیابی ملے۔