میونسپل کونسل بڈگام کی جانب سے قصبہ میں صفائی مہم

وسطی کشمیر کے ضلع بڈگام میں میونسپل کونسل کی جانب سے قصبہ کے 13وارڈز میں صفائی مہم چلائی گئی اس کے علاوہ کئی پبلک مقامات کو سینیٹائز بھی کیا گیا۔

ڈائریکٹر اربن لوکل باڈیز کی ہدایت پر عمل کرتے ہوئے میونسپل کونسل بڈگام نے 22جون سے قصبہ کے 13وارڈز میں صفائی مہم کا آغاز کیا جو ہفتہ کو اختتام پذیر ہوئی۔

صفائی مہم کے تحت میونسپل کونسل نے کئی علاقوں کی صفائی ستھرائی کے علاوہ پبلک مقامات کی سینیٹائزیشن بھی عمل میں لائی۔

ای ٹی وی بھارت کے ساتھ بات کرتے ہوئے میونپل کونسل بڈگام کے چیئرمین نے کہا کہ اس طرح کی مہم عوام کو صاف صفائی کے حوالے سے بیدار کرنے کے لیے انجام دی جاتی ہیں۔

انہوں نے عوام الناس سے گھروں کے ساتھ ساتھ آس پاس کے ماحول کو صاف ستھرا رکھنے کی تلقین کی۔