بڈگام کے سرسیار علاقے میں سرچ آپریشن

جموں و کشمیر کے ضلع بڈگام کے سرسیار علاقے میں آج شام دیر گئے سیکیورٹی فورسز نے محاصرہ اور تلاشی شروع کی۔

تفصیلات کے مطابق عسکریت پسندوں کی موجودگی کی خفیہ اطلاع ملنے پر جموں و کشمیر پولیس، سی آر پی ایف اور فوج نے مشترکہ طور پر سرسیار علاقے کو محاصرے میں لیا اور تلاشی کاروائی شروع کی۔ آخری اطلاعات موصول ہونے تک علاقے میں سرچ آپریشن جاری ہے۔

بتا دیں کہ گزشتہ روز سرینگر کے بٹہ مالو علاقے میں سیکیورٹی فورسز اور عسکریت پسندوں کے مابین ہوئے تصادم میں تین عسکریت پسند اور ایک مقامی خاتون ہلاک ہو گئی تھی۔ تصادم میں ایک سی آر پی ایف افسر زخمی ہوا تھا۔

ہلاک شدہ تینوں عسکریت مقامی تھے اور عسکری تنظیم حزب المجاہدین سے وابستہ تھے۔