بڈگام:بڈگام پولیس نے سینیئر سیاسی رہنما روح اللہ مہدی کے ان الزامات کو مسترد کیا ہے جس میں انہوں نے پولیس پر الزام لگایا کہ پولیس اور سول انتظامیہ مظاہرین اور مقتول خاتون کے اہل خانہ کو کینڈل مارچ یا اسی طرح کے کسی دوسرے احتجاج کرنے کے لیے ڈرا رہی ہے۔ واضح رہے کہ سماجی رابطہ کی ویب سائٹ ٹویٹر پر روح اللہ مہدی نے ٹویٹ کرنے کے بعد صحافیوں سے بات کرتے ہوئے دعویٰ کیا کہ پولیس پرامن احتجاج کی اجازت دینے کے بجائے مقامی لوگوں کو ڈرا رہی ہے، جنہوں نے متاثرہ خاندان کے ساتھ اظہار یکجہتی کے لیے کینڈل لائٹ مارچ کا انعقاد کیا تھا۔
Budgam Woman Murder Case پولیس نے روح اللہ مہدی کے الزامات کو مسترد کیا
نیشنل کانفرنس کے رہنما روح اللہ مہدی نے بڈگام پولیس پر الزام عائد کرتے ہوئے کہا کہ گزشتہ روز لوگوں کے جانب سے کینڈل مارچ نکالنے پر پولیس نے مقتول دوشیزہ کے گھر والوں کو ڈرایا ہے۔
Etv Bharat
انہوں نے ٹویٹ میں مزید لکھا کہ "میں حال ہی میں قتل ہونے والے افراد کے خاندان کے ساتھ تعزیت کے لیے سوئیہ بگ گیا تھا۔ گھر والوں نے ڈرتے ڈرتے مجھے بتایا کہ ضلع پولیس نے انہیں دھمکی دی کیونکہ گزشتہ شام کو علاقے میں کچھ نوجوان نے عارفہ جان کے قتل کے سلسلے میں کینڈل لائٹ مارچ نکالا تھا۔ " روح اللہ مہدی نے ٹویٹ میں کیا کہ خاندان کو تسلی دینے اور قاتل کو سخت سے سخت سزا دینے کی یقین دہانی کے بجائے، پولیس نے خاندان کو دھمکیاں اور دھمکانے کا سہارا لیا۔یہ فوری طور پر بند ہونا چاہیے اور پولیس کو خاندان سے معافی مانگنی چاہیے، کیونکہ انہوں نے انہیں خطرہ محسوس کرایا ہے۔"