Robbery Case Solved چاڈورہ میں چوری کا کیس حل، نقلی ہتھیار برآمد

چاڈورہ پولیس نے لوگوں سے نقلی ہتھیار دکھا کر نقدی رقم ہڑپنے کے ایک کیس کو حل کرنے کا دعوی کیا ہے۔ پولیس نے ملزم کو گرفتار کیا اور ان کے قبضے سے ڈمی ہتھیار بھی برآمد کیے ہے۔

بڈگام:وسطی کشمیر کے ضلع بڈگام میں 14 فروری کو پولس اسٹیشن چاڈورہ کو ایک اطلاع موصول ہوئی کہ بادی پورہ چاڈورہ میں صبح کے اوقات میں ایک شخص جو مسجد کی طرف جا رہا تھا کو ایک شخص نے روک لیا اور بعد میں اس نامعلوم مسلح شخص نے اس سے کچھ نقدی لوٹ لی۔ اس اطلاع پر پولیس اسٹیشن چاڈورہ نے قانون کی متعلقہ دفعات کے تحت ایف آئی آر نمبر 15/2023 درج کرکے تفتیش شروع کردی گئی۔

پولیس نے تفتیش کے کے لیے متعدد مشتبہ افراد سے پوچھ گچھ کی گئی ۔ پولیس نے اس کے علاوہ جائے وقوعہ کی سی سی ٹی وی فوٹیج کا تجزیہ کیا گیا اور اسی سے متاثرہ کے ورژن کی تصدیق کی گئی پولیس نے سات مارچ کو ایک مشتبہ شخص محمد یوسف شیخ ولد عبدالرحمان شیخ ساکن رائتھن چک خانصاحب کو پوچھ گچھ کے لیے بلایا اور ملزم نے جرم میں ملوث ہونے کا اعتراف کیا۔ پولیس نے ملزم سے نقلی ہتھیار بھی برآمد کیے ہے۔برآمد ہتھیاروں میں دو ڈمی AK-47 رائفلز، نقلی فوجی وردی،دو تیز دھار چاقو ایک فیس ماسک، ایک گن شلنگ ایک رسی اور ایک جوتے کا جوڑا برآمد کیا ہے۔

یہ بات قابل ذکر ہے کہ عوام کی جانب سے پولیس اسٹیشن چاڈورہ اور تھانہ چرار شریف کو اسی طرح کے واقعات کی اطلاع دی گئی تھی جس میں الگ الگ ایف آئی آر درج کی گئی ہیں۔ بڈگام پولیس ان تمام معاملوں کی تفتیش کر رہی ہے جن میں گرفتار ملزمان نے وہی طریقہ اپنایا تھا اور وہ رات کے اوقات میں مسجد جانے والے افراد کو نشانہ بناتے اور انہیں ڈمی ہتھیاروں سے ڈرا کر ان کی قیمتی اشیاء اور نقدی چھیں لیتے تھے۔