School Van Seized in Budgam بڈگام میں گنجائش سے زیادہ اسکولی بچے اٹھانے پر اسکول وین ضبط

بڈگام پولیس نے ایک اسکول وین کو گنجائش سے زیادہ اسکولی بچے اٹھانے پر ضبط کر لیا۔ گاڑی میں 7 سیٹوں کی گنجائش ہے جب کہ اس میں 13 بچے سوار تھے۔ School Van Seized in Budgam

بڈگام: پولیس نے جموں و کشمیر کے وسطی ضلع بڈگام کے پیر باغ علاقے میں ایک اسکول گاڑی کو گنجائش سے زیادہ اسکولی بچے اٹھانے کے پاداش میں ضبط کر لیا۔ ایک پولیس ترجمان نے اپنے ایک بیان میں کہا کہ پولیس نے بڈگام کے پیر باغ علاقے میں آئی جی روڈ پر ایک وین زیر نمبر JK01P – 4582 کو روکا اور دیکھا کہ اس میں سیٹوں کی گنجائش سے زیادہ بچے بھر دیئے گئے تھے۔ انہوں نے کہا کہ گاڑی میں 7 سیٹوں کی گنجائش ہے جبکہ اس میں 13 بچے سوار تھے جو ان کے تحفظ کے لئے ایک خطرہ تھا۔ Budgam Police seizes School Van

بیان میں کہا گیا کہ پولیس نے متعلقہ دفعات کے تحت اس گاڑی کو ضبط کیا اور بچوں کو دوسری گاڑی میں اسکول بھیج دیا۔ دریں اثنا ایس ایس پی بڈگام نے اسکول انتطامیہ،والدین اور لوگوں سے اپیل کی ہے کہ وہ ٹریفک قوانین پر من و عن عمل کرکے سڑکوں کو طلبا کی نقل و حمل کے لئے محفوظ بنائیں۔

یو این آئی