پولیس اسٹیشن چرار شریف میں منعقدہ ایک میٹنگ کے دوران پولیس کے اعلیٰ افسران نے چرار شریف کے مختلف نمبرداروں اور چوکیداروں کو کورونا وائرس کے بڑھتے معاملات کے حوالے سے با خبر کیا گیا۔
ایسی ہی ایک اور میٹنگ پولیس اسٹیشن بدگام میں بھی منعقد ہوئی جہاں ایس ایچ او بڈگام نے کئی نمبرداروں اور چوکیداروں کے ساتھ کورونا وائرس کے حوالے سے مختلف امور پر تبادلہ خیال کیا۔
میٹنگس کے دوران شرکاء کو کووڈ ایس او پیز کے حوالے سے جانکاری فراہم کی گئی اور انہیں عوام الناس کو بھی اس حوالے سے بیدار کرنے کی تلقین کی گئی۔
شرکاء کو کورونا وائرس ویکسین کے حوالے سے بھی معلومات فراہم کی گئی۔ پولیس کے اعلیٰ افسران نے نمبرداروں اور چوکیداروں پر زور دیا کہ وہ لوگوں کو کورونا وائرس کے پھیلائو کو روکنے کے لیے ایس او پیز کا خیال رکھنے کی تلقین کرنے کے علاوہ انہیں وقت پر کورونا مخالف ویکسین لینے پر بھی آمادہ کریں۔