Land Grabber Booked Under PSA خاتون لینڈ گریبر پر پی ایس اے عائد

بڈگام پولیس نے دھوکہ دہی اور لینڈ گریبنگ کے الزام میں ایک خاتون کو پی ایس اے کے تحت گرفتار کر لیا۔ Female ‘Land Grabber’ Booked Under PSA

بڈگام:وسطی کشمیر کے ضلع بڈگام میں جموں و کشمیر پولیس نے اراضی پر قبضہ کرنے اور دھوکہ دہی کے الزام میں ایک خاتون پر پبلک سیفٹی ایکٹ (پی ایس اے) عائد کرکے اسے جیل بھیج دیا۔ پولیس نے ملزمہ کی شناخت شوخی زوجہ غلام رسول ڈار (عرف لسہ شکاری) ساکنہ گنگ بگ، سرینگر کے طور پر کی ہے۔ Budgam police Books Fraudster, land grabber under PSA

بڈگام پولیس کا کہنا ہے کہ ’’پی ایس اے کے تحت گرفتار کی گئی خاتون نے اپنے مکر و فریب سے لوگوں کو مسلسل بے وقوف بناتی اور دھوکہ دے کر ان سے رقم لوٹتی تھی۔‘‘ پولیس نے دعویٰ کیا ہے کہ ’’خاتون سادہ لوح لوگوں کی اراضی فروخت کرنے کے خواہش مند افراد سے ان کی زمینیں خود دھوکہ سے ہتھیا لیتی تھی۔‘‘ Lady land grabber Booked under PSA

پولیس کا یہ بھی کہنا ہے کہ خاتون غنڈوں کی مدد سے مختلف زمین اور جائیداد کے مالکان پر حملے بھی کرواتی تھی اور علاقے کے عام لوگوں کو دھمکیاں دے کر انہیں خوف میں رکھتی تاکہ وہ وہ دب کر رہیں۔ بڈگام پولیس کا مزید کہنا ہے کہ پی ایس اے کے تحت گرفتار کی گئی خاتون (شوخی) ایک لینڈ بروکر غلام رسول ڈار کی زوجہ ہے اور دونوں جعلی ریونیو دستاویز تیار کرکے اراضی پر قبضہ کرکے انہیں فروخت کرنے میں ایک دوسرے کے ساتھ مل کر غیرقانونی کام انجام دیتے ہیں۔

بڈگام پولیس کے مطابق ’’میاں بیوی اپنے علاقے میں اراضی کی خرید و فروخت کے تمام معاملات میں مداخلت کرتے اور آبائی گاؤں کے آس پاس کی زمینوں کی خرید و فروخت کے دوران بار بار غیرقانونی سرگرمیوں میں ملوث پائے گئے ہیں جس سے عوام میں ناراضگی پیدا ہوگئی تھی اور علاقے میں امن و امان کی صورت حال خراب ہونے کا اندیشہ لاحق تھا۔

قابل ذکر ہے کہ پی ایس اے کے تحت گرفتار کی گئی خاتون کے خلاف ضلع سرینگر اور ضلع بڈگام میں پہلے ہی دھوکہ دہی کے 07 مقدمات درج ہیں جن میں، پولیس کے مطابق، یہ خاتون براہ راست ملوث ہے۔ جس کی پاداش میں حکام نے اسے PSA کے تحت حراست میں لے لیا۔

عادی مجرموں، غاصبوں اور زمینوں پر قبضہ کرنے والوں کے خلاف سخت کارروائی کرتے ہوئے ایک بدنام زمانہ دھوکہ باز کے خلاف پی ایس اے کے تحت مقدمہ درج کیا ہے اور اس خو حراست میں لے لیا گیا ہے ۔