وسطی کشمیر کے ضلع بڈگام میں پولیس نے اپنی منشیات کے خلاف جنگ جاری رکھتے ہوئے آج ایک منشیات فروش کو گرفتار کیا جس کی تحویل سے کوڑین پھاسپیٹ کی 14 بوتلیں اور 20 سٹرپز نارکوٹک منشیات برآمد کی گئی۔
بڈگام: منشیات کاروباری گرفتار
پولیس اسٹیشن ماگام کی ایک ٹیم نے مازہامہ ریلوے کراسنگ پر ایک ناکہ بچھایا اور ناکے میں تلاشی کے دوران انہوں نے ایک مشکوک موٹرسائیکل سوار سے پوچھ تاچھ کی جس سے پولیس کو معلوم ہوا کہ یہ بدنامہ زمانہ منشیات فروش محمد مقبول میر ولد غلام حسن میر ساکنہ یعغی پورہ ماگام ہے، جو علاقے میں کافی عرصے سے نوجوانوں کو منشیات فروخت کرتا ہے اور اس کا غیر قانونی طور پر کاروبار بھی کرتا ہے جس سے علاقے میں نوجوانوں میں منشیات کا استعمال بڑھ گیا ہے۔
ذرائع کے مطابق مذکورہ شخص ایک موٹر سائیکل پر سوار تھا جس کا رجسٹریشن نمبر JK05E-4563 ہے۔
اس ضمن میں پولیس اسٹیشن ماگام میں ایک ایف آئی آر زیرِ نمبر 140/2020 درج کی گئی۔ منشیات فروشی کے الزام میں اس شخص کو گرفتار کر مگام تھامہ میں حراست میں رکھا گیا ہے اور مزید پوچھ گچھ کی جا رہی ہے۔