بڈگام میں غیر قانونی تعمیراتی لکڑی ضبط

ضلع بڈگام کے مازہامہ، ماگام میں حکام نے ایک شخص کے گھر پر چھاپہ مارا جس دوران قریب 60 مکعب فٹ تعمیراتی لکڑی ضبط کر لی گئی۔

وسطی کشمیر کے ضلع بڈگام میں ماگام پولیس سٹیشن کی ایک ٹیم نے مازہامہ علاقے میں ایک شخص کے گھر پر چھاپہ مار کر اسکے گھر سے غیرقانونی طور رکھی گئی تعمیراتی لکڑی ضبط کر لی ہے۔

نمائندے کے مطابق فارسٹ پروٹیکشن فورس نے جموں و کشمیر پولیس کے ہمراہ مازہامہ علاقے میں فیاض احمد راتھر ولد غلام محمد راتھر کے گھر پر چھاپہ مارا۔ چھاپے کے دوران انکے گھر سے تقریباً 60 مکعب فٹ تعمیراتی لکڑی برآمد کی گئی ہے۔

اس ضمن میں پولیس اسٹیشن ماگام نے ایک ایف آئی آر 41/2020 درج کر کے مزید کارروائی شروع کر دی ہے۔

پولیس کے مطابق مکان مالک فیاض احمد فرار ہے جبکہ اسے پکڑنے کے لیے پولیس نے کوششیں تیز کر دی ہیں۔