بڈگام: زمین مافیا سے غریب کنبہ پریشان

متاثرین نے سرینگر کی پریس کالونی میں بڈگام کے تحصیلدار، نائب تحصیلدار، سکشن آفیسر اور پٹواری حلقہ میرگنڈ پر زمین مافیا کے ساتھ ملے ہونے کا الزام لگایا ہے۔

وسطی کشمیر کے ضلع بڈگام کے میرگنڈ سے تعلق رکھنے والے کنبے نے آج سرینگر پریس کالونی میں تحصیلدار بڈگام و دیگر متعلقہ افسران کے خلاف احتجاج کیا۔

نظیر احمد ڈار ولد محمد باقر ڈار ساکنہ میرگنڈ نے کہا کہ میں نے 1985-86 میں دو کنال دس ملرہ اراضی خریدی تھی جس کا میرے پاس باضابطہ طور پر کاغذات بھی موجود ہیں لیکن ایک لینڈ بروکر جس کا نام بشیر احمد میر ولد اکبر میر ساکنہ بودینہ نے میری اس زمین پر ناجائز قبضہ کر لیا ہے جس کے بعد ایک کیس کورٹ میں چلا جو میں نے جیتا۔ انہوں نے کہا کہ اس کے بعد مجھے تب کے ڈیوزنل کمشنر، ڈی سی بڈگام، تحصیلدار بڈگام وغیرہ نے ڈگری اجرا کی۔ اب لینڈ بروکر جس نے خسرہ نمبر 144 سے 10 ملرہ اراضی خریدی ہے میرے اراضی جس کا خسرہ نمبر 147 ہے پر ناجائز قبضہ جما رہا ہے۔

میرے احتیجاج کرنے پر اس نے ہمیں مارا پیٹا، جس کے بعد ہم نے تحصیلدار بڈگام سے رجوع کیا مگر وہ ہمیں آج کل اور پرسو کر کے ٹال رہی ہیں۔

مزکورہ نظیر احمد ڈار نے تحصیلدار و نائب تحصیلدار بڈگام ایس او اقبال اور پٹواری فاروق احمد حلقہ میرگنڈ پر الزام عائد کیا ہے کہ وہ اسِ لینڈ بروکر اور لینڈ گریبر کا ساتھ دے رہے ہیں لہذا ہم ایل جی انتیظامہ سے اپیل کر رہے ہے کہ ہمارے اس مسئلے کو حل کیا جائے اور اس معاملے کی تحقیقات ہو۔