بڈگام: محاصرے کے دوران مکان مالک کا بیٹا فرار

تلاشی کے دوران محمد اکبر ناتھ کے گھر میں عسکریت پسندوں کے چھپنے کی جانکاری ملی۔ اس کے بعد مکان مالک کا 30 سالہ بیٹا محمد حمید ناتھ فرار بتایا جا رہا ہے۔

وسطی کشمیر کے ضلع بڈگام میں عسکریت پسندوں اور سیکورٹی فورسز کے مابین تصادم میں ایک ایس پی او اہلکار ہلاک اور ایک پولیس اہلکار زخمی ہو گیا۔ یہ تصادم دورانِ شب بیروہ علاقہ کے زینیگام میں پیش آیا۔ گولیوں کا تبادلہ تھوڑی دیر تک جاری رہنے کے بعد تھم گیا جس کے بعد سیکیورٹی فورسز نے محاصرہ جاری رکھتے ہوئے گھر گھر تلاشی عمل میں لائی۔

تلاشی کے دوران محمد اکبر ناتھ کے گھر میں عسکریت پسندوں کے چھپنے کا پتہ چلا، اس کے بعد مکان مالک کا 30 سالہ بیٹا محمد حمید ناتھ عسکریت پسندوں کے ساتھ فرار ہے۔

محمد اکبر ناتھ کے 8 بچے ہیں جن میں سے 3 کی شادی ہو چکی ہے۔ ان میں سے 4 بیٹے اور 4 بیٹیاں ہیں۔

ذرائع نے بتایا کہ عسکریت ہسندوں کے فرار ہونے کے بعد سیکیورٹی فورسز نے زینیگام کا محاصرہ ختم کر دیا ہے۔